25 Abr O Club Vértice estará no Campionato de España de clubs de Carreiras por Montaña

O Club de Montaña Vértice participará este ano no Campionato de España de clubs de Carreiras por Montaña en liña. Celebrarase o 15 de xuño de 2024 na provincia de Málaga. En concreto, a proba que acolle o campionato é Igualeja Skyrace, coñecida pola súa dureza: o seu lema é “Más piedras, más diversión”.

O club vén de conseguir o apoio económico da Deputación da Coruña dentro do seu programa de subvencións para a participación en competición federada de ámbito nacional ou internacional. Grazas a ese apoio, o club poderá desprazar a Málaga dous equipos: masculino e feminino. A proba é unha carreira en liña cunha distancia de 25 km e un desnivel positivo de 1650 metros. Discorre polo Valle del Genal, entre a entre a serranía de Ronda e Sierra Bermeja.