sábado 3 de setembro do 2022

V Desafío Vértice

Trail Vila de Padrón

O Club de Montaña Vértice presenta a quinta edición do Desafío Vértice Trail Vila de Padrón. Ten dúas versións: un recorrido longo de 22 km e 1570 m+ e un recorrido curto de 14 km e 800 m+. Ambos teñen un trazado esixente con sendeiros, cortalumes e descensos técnicos polos montes de Lampai. Un desafío para deportistas de todos os niveis e nunha das carreiras máis espectaculares de Galicia.

Trail longo. 22 km 1570 m+
2ª proba da Copa Galega de Carreiras por Montaña (CXM) – Trail
3ª proba do Desafío Galaico

Trail curto. 14 km 800 m+
2ª proba da Copa Galega Junior e Xuvenil de Carreiras por Montaña (CXM) – Trail

Cando? Na mañá do sábado 3 de setembro.

Onde? Saída na capela de Santa Ana, A Agrela (Teo), meta en Padrón.

Cantos dorsais? 200 para a carreira curta e 200 para a longa.

E a inscrición? https://magmasports.es a partir do 1 de xullo e ata o 30 de agosto.

As carreiras:

22K

map data: © OpenStreetMap-contributors, map style: © OpenTopoMap (CC-BY-SA)

O Desafío Vértice Trail Vila de Padrón de 22 km con máis de 3000 m de desnivel acumulado (1570 m+) ofrece sendeiros onde podes correr facilmente e zonas técnicas que fan que o percorrido se cualifique cunha dificultade técnica media/alta.

Saíndo ao pé da capela de Santa Ana, na aldea da A Agrela, atravesa os montes de Lampai en dirección ao monte Meda. Coroando os cumes máis importantes: Pena das Cruces, Pena de A Agrela, Castelo de Roque e, finalmente, a Meda, o pico máis alto, onde se alcanza practicamente toda a pendente positiva superada, e onde se fai un descenso salvaxe cara ao final a vila de Padrón.

Este ano repetirase o percorrido da edición anterior con algunha pequena variante para descubrir novos camiños. De novo temos catro cortalumes, cada cal máis duro. Hidratarse ben, dosificar e gardar boas pernas para o tramo final son elementos clave.

A edición de 2022 será 2ª proba da Copa Galega de Carreiras por Montaña-Trail e 3ª proba do Desafío Galaico.

14K

map data: © OpenStreetMap-contributors, map style: © OpenTopoMap (CC-BY-SA)

A proba de 14 km do Desafío Vértice Trail Vila de Padrón, con 800 m de desnivel positivo, comparte algunhas das zonas máis técnicas dos 22k pero nunha distancia máis asequible.

En 2022 acollerá a segunda proba da Copa Galega de Carreiras por Montaña-Trail Junior e Xuvenil.

MINIDESAFÍO

Este ano estreamos carreiras para a xente máis nova: os nenos e nenas nacidos entre 2008 e 2016 poderán participar nalgunha das tres categorías do Minidesafío:

Pelouros. Nacidos entre 2016 e 2014: percorrido de 300 m.
Penedos. Nacidos entre 2013 e 2011: percorrido de 1,4 km.
Picoutos. Nacidos entre 2010 e 2008: percorrido de 2,5 km.

As carreiras serán a partir das 13:00 h en Padrón. A inscrición é gratuíta e haberá premios para tod@s @s participantes!

RESULTADOS

2021

TRAIL LONGO
TRAIL CURTO

2019

TRAIL LONGO
TRAIL CURTO
CRONOESCALADA

2018

TRAIL LONGO
TRAIL CURTO
CRONOESCALADA

2017

TRAIL LONGO