O Club de Montaña Vértice presenta a sexta edición do Desafío Vértice Trail Vila de Padrón. O trail longo é un dos máis esixentes de Galicia, cun trazado con sendeiros, cortalumes e descensos técnicos polos montes de Lampai e o Lapido, entre Teo e Padrón. O trail curto presenta unha versión con menos quilómetros e máis accesible a todo tipo de deportistas. Este ano presentamos como novidade unha andaina, cun percorrido similar ao do trail curto, con saída na capela de Santa Ana na Agrela e final en Padrón. E completamos con carreiras para todas as idades: trail cadete e MiniDesafío para penedos, pelouros e picoutos.
Trail longo. 22 km 1530 m+
Copa Xunta de Galicia de Carreiras por Montaña (CXM)
Trail curto. 13 km 600 m+
Copa Xunta de Galicia de Carreiras por Montaña (CXM) – Junior e Xuvenil
Andaina
13,5 km 480 m+
MiniDesafío
Trail cadete. 7,5 km 310 m+ (Compa Xunta de Galicia de CXM – Cadete)
Picoutos. 2,5 km
Penedos. 1,4 km
Pelouros. 300 m
Cando? Na mañá do sábado 2 de setembro.
Onde? Punto de encontro en Padrón. Desprazamento en bus ata a saída na capela de Santa Ana, A Agrela (Teo), meta en Padrón.
Cantos dorsais? 200 para a carreira curta, 200 para a longa, 200 para a andaina e 100 en total para o MiniDesafío.
E a inscrición? www.galitiming.com partir do 2 de maio e ata o 27 de agosto.
O Desafío Vértice Trail Vila de Padrón de 22 km con máis de 3000 m de desnivel acumulado (1530 m+) ofrece sendeiros onde podes correr facilmente e zonas técnicas que fan que o percorrido se cualifique cunha dificultade técnica media/alta.
Saíndo ao pé da capela de Santa Ana, na aldea da Agrela (Teo), atravesa os montes de Lampai en dirección ao monte Meda. Coroa os cumes máis importantes: Pena das Cruces, Pena da Agrela, Castelo de Roque e, finalmente, o Meda, o pico máis alto, onde se alcanza practicamente toda a pendente positiva superada, e onde se fai un descenso salvaxe cara á meta na vila de Padrón.
Este ano repetirase o percorrido da edición anterior con algunha pequena variante para descubrir novos camiños. De novo temos catro cortalumes, cada cal máis duro. Hidratarse ben, dosificar e gardar boas pernas para o tramo final son elementos clave.
A edición de 2023 forma parte da Copa Xunta de Galicia de Carreiras por Montaña (CxM).
A proba de 13 km do Desafío Vértice Trail Vila de Padrón, con 600 m de desnivel positivo, tamén ten saída na capela de Santa Ana, na Agrela (Teo). Desde alí descende polas beiras do rego de Tarrío ata un dos marcos do Coto de Lampai, para logo enfiar cara ao monte Meda. A diferencia do trail longo, nesta modalidade sóbese un único cortalumnes, polo que é unha carreira con certa dificultade, pero tamén apta para quen lle guste correr con velocidade polo monte.
En 2023 forma parte do calendario da Copa Xunta de Galicia de Carreiras por Montaña (CxM) nas modalidades Junior e Xuvenil.
Este ano estreamos andaina no Desafío Vértice. Ao igual que no caso dos participantes no trail longo e no trail curto, todas as persoas que participen na andaina subiranse ao autobús en Padrón, que os conducirá á saída na capela de Santa Ana, na Agrela (Teo). Alí segue inicialmente o percorrido da ruta ‘Per caminho de Lampai’ (PRG-256), que recentemente homologou o Concello de Teo, e que discorre en paralelo ao rego de Tarrío, nun tramo con varios muíños e un fermoso bosque de ribeira, ata chegar ao marco medieval do Porto de Lampai, que marca o linde entre os concellos de Teo e Padrón. Desde alí a ruta discorre por varios camiños de monte, na procura de masas de carballos e sobreiras, para logo avanzar pola ladeira do Lapido, con fermosas vistas sobre Castro Valente, o río Ulla e a súa desembocadura. O tramo final conduce a través da aldea do Roucón e a colexiata de Iria ata as beiras do Sar, que nos conduce ata a meta, no Espolón de Padrón.
Este ano temos carreiras para a xente máis nova: os nenos e nenas nacidos entre 2007 e 2017 poderán participar nalgunha das catro categorías do MiniDesafío.
Trail cadete
Saída ás 11:30 horas desde o rego das Lamas (desprazamento a cargo da organización desde Padrón). Para nacidos en 2007 e 2008. Percorrido de 7,5 km, con 300 metros de desnivel positivo.
Forma parte da Copa Xunta de Galicia de Carreiras por Montaña (CxM), categoría Cadete.
Pelouros. Nacidos entre 2017 e 2015: percorrido de 300 m.
Penedos. Nacidos entre 2014 e 2012: percorrido de 1,4 km.
Picoutos. Nacidos entre 2011 e 2009: percorrido de 2,5 km.
As carreiras de pelouros, penedos e picoutos serán a partir das 13:00 h en Padrón, con inscrición gratuíta.
